Hajdin Islami
Prishtinë, 24 prill NOA - Federata Atletike e Kosovës, Departamenti i Sporteve të Kosovës dhe Drejtoria për Sport dhe Rini e Komunës së Prishtinës, do të organizojnë Gjysmëmaratonën e tetë Ndërkombëtare të Prishtinës më 9 Maj 2009.
Organizatori i kësaj gjysmëmaratone njofton se si edhe viteve të tjera edhe këtë vit kjo garë do të simbolizojë vlerat e paqes, tolerancës, ko-ekzistencës dhe përsosmërisë së sportit.
Gjatë vitit të kaluar, 345 garues nga shumë shtete, ishin ndarë të kënaqur me organizimin e kësaj maratone në një atmosferë me program të larmishëm rreth garës.Â
Organizatori këtë vit mendon se përvoja pozitive e viteve të kaluara do të motivoj edhe më tepër garuesit që të kënaqen në këtë garë e cila në të njëjtën kohë është gazmore dhe garuese.Â
Derisa të gjithë ata garues që e përfundojnë garën do të shpërblehen me certifikata, me emrin dhe rezultatin e vrapimit të tyre, çmim i konsiderueshëm që në vlerë totale është 10.000 euro do t'i dhurohet garuesve më të mirë në kategorinë e seniorëve, tre në kategorinë e veteranëve, tre garuesve të vrapimit 5 km dhe tre garuesve me aftësi të kufizuara.Â
Të gjitha kategoritë e cekura shpërblimet do të ndahen në dy gjinitë (meshkuj dhe femra). Donator kryesor i këtij manifestimi të madh është ProCredit Bank në Kosovë.
h.s/NOA
