Nju Jork, 13 maj, NOA - Parlamenti i shtetit të Nju Jorkut në SHBA, ka miratuar dje me 89 vota pro dhe 52 kundër, projektligjin për lejimin e martesës mes personave të të njëjtit seks, projekt ky i cili ka për të gjetur me siguri kundërshtimin në Senatin Amerikan.
Projektligji në fjalë, u prezantua nga guvernatori demokrat i shtetit të Nju Jorkut, David Paterson.
Debati për këtë çështje mes deputetëve zgjati mbi katër orë të plota dhe bëhet e ditur se ai ka qenë mjaft i nxehtë mes të dyja palëve, si atyre që i mbronin të tilla martesa, edhe atyre që ishin kategorikisht kundër tyre.
Deri tai, sipas të dhënave, janë vetëm 5 shtete në Shtetet e Bashkuara të Amerikës të cilët kanë ligjëruar martesën midis homoseksualëve.
Nju Jorku është qyteti më i populluar i SHBA-ve, me plot 18 milionë banorë dhe
ka brenda tij një komunitet të rëndësishëm homoseksualësh dhe miratimi i një ligji të tillë, do t'i afronte ata edhe më shumë me shtetin dhe ligjet.
n.e/NOA
