Sukth, 22 maj, NOA - Policia e Durrësit ka nisur procedimin penal në gjendje të lirë në ngarkim të qytetarit italian, Diego Pissa, lindur dhe banues në Itali pasi në aksin rrugor Tiranë-Durrës në afërsi të "Mbikalimit të Sukthit", duke drejtuar automjetin e tij tip "Crysler" me targë BN482VH ka humbur kontrollin gjatë drejtimit të automjetit.
Për pasojë, është përplasur me automjetin kamion me targë DR 61 34 A me drejtues Ismail Hoxhën, banues në Durrës.
Materialet do t'i kalojnë Prokurorisë së Durrësit për veprën penale të "Shkeljes së rregullave të qarkullimit rrugor", parashikuar nga neni 290/1 i kodit penal.
n.e/NOA
Â
