Nju Jork, 28 maj, NOA - Ai është vetëm dy vjeç, por duket se kjo nuk e ka penguar që ai të jetë një lojtar i shkëlqyeshëm bilardoje.
Duke hipur gjithmonë sipër një karrigeje, ndërsa gjuan me stekën e bilardos, ai i ka mahnitur të gjithë me mënyrën inteligjente të të luajturit dhe forcën për të dërguar të gjithë topat në vrimat e tryezës së lojës.
Fjala është për Keith O'Dell, djaloshin amerikan 2-vjeçar, i cili në mbarë botën është bërë i njohur për aftësinë e tij të jashtëzakonshme në të luajturit bilardo.
Ai madje ka edhe faqen e tij të internetit, derisa kohë më parë është bërë edhe anëtari më i ri i Shoqatës amerikane të lojtarëve të bilardos. Keith është fëmijë shembullor i lojtarëve të bilardos, derisa bilardo ka filluar të luajë në tavolinën e fëmijëve, mirëpo tani me ndihmën e karriges luan edhe në tavolinën për të rritur.
Ndërkaq, bëhet e ditur së bashku me lojën e bilardos, Keithi i vogël ka filluar t'i njeh ngjyrat të cilat më herët nuk i ka dalluar. Prindërit e tij janë shumë të lumtur që biri i tyre është kaq i talentuar, derisa thonë se Keith së shpejti do t'i mësojë edhe numrat të cilat e sfidojnë gjersa luan bilardo.
n.e/NOA
Â
