Shkodër, 29 maj NOA - Godet me thikë ish-bashkëshorten në qendër të qytetit të Shkodrës.
Ngjarja ka ndodhur paraditen e sotme në vendin e quajtur Sheshi "Isa Boletini" të qytetit të Shkodrës kur është plagosur 22-vjeçarja S. L.
Menjëherë në vendngjarje ka mbërritur grupi hetimor dhe nga kryerja e veprimeve rezulton se e plagosura është goditur me thikë dhe u shtruar në Spitalin Rajonal Shkodër, pa dëmtime serioze.
Ndërkohë policia pas hetimeve të para bëri të mundur identifikimin e autorit të dyshuar të kësaj plagosjeje i cili rezulton të jetë 27-vjeçari Edmir Mehaj.
Dyshohet se pasi goditi ish-bashkëshorten i riu u largua menjëherë në vendngjarja. Sipas policisë plagosja ka ndodhur pas një sherri për motive të dobëta mes çiftit.
Pasditen e sotme policia arriti të çojë në qeli autorin e dyshuar Edmir Mehaj ndaj të cili janë ngritur akuzat e "Vrasjes me dashje të mbetur në tentativë" dhe "Mbajtjes pa leje të armëve të ftohta".
k.k/NOA
