Shkodër, 9 qershor NOA - Burrë e grua kanë mbetur të plagosur rëndë, pasi motoçikleta me të cilin ata po udhëtonin u përplas me një automjet.
Aksidenti ndodhi mëngjesin e sotëm në aksin rrugorë Shkodër - Koplik, në vendin e quajtur në afërsi të Kompleksit të Zmijanve, kur mjeti tip-Audi me targa SH 92 68 C, me drejtues 45-vjeçarin Behar Tokaj, ka aksidentuar bashkëshortët Skënder K., 50-vjeç dhe Kudrete K., 38-vjeç, të cilët po udhëtonin me një motoçiklete tip-Lifan, pa targa.
Si pasojë e këtij aksidenti është dëmtuar shtetësja Kudrete K., e cila ka thyer këmbën dhe ndodhet e shtuar në Spitalin Rajonal Shkodër, jashtë rrezikut për jetën, ndërsa drejtuesi i motoçikletës, Skënder K., nuk ka pësuar dëmtime serioze.
Në vendngjarje ka mbërritur menjëherë grupi hetimore, i cili ka kryer veprimet e para hetimore në lidhje me aksidentin.
Policia ka bërë të mundur ndalimin e drejtuesit të automjetit, 45-vjeçarin Behar Tokaj dhe material në ngarkim të tij do i kalojnë Prokurorisë së Rrethit për veprën penale të "Shkeljes së rregullave të qarkullimit rrugorë".
k.k/NOA
