Prizren, 7 korrik NOA-Kryetari i Kuvendit të Madh të Republikës së Turqisë, Koksal Toptan, në ditën e tretë të qëndrimit në Kosovë, vizitoi rajonin e Prizrenit ku u takua me banorë të komunitetit turk.
"Ju jeni ura jonë lidhëse midis Kosovës dhe Turqisë", u tha Toptan banorëve të komunitetit turk duke vlerësuar shembullin e angazhimit të tyre në institucionet e vendit. Toptan u takua edhe me ushtarët turq të KFOR-it në këtë qytet."Komuniteti turk, i cili përfaqësohet me një ministër në qeveri dhe tre deputetë në Kuvend, mendojmë se është një shembull pozitiv për një Kosovë shumetnike e shumëkulturore, e cila garantohet me planin e Ahtisaarit", theksoi dje Toptan në parlamentin e Kosovës.m.i/NOA
