Tiranë, 13 korrik NOA - Besart Berisha është provuar dhe ka bindur në ditët e para ndaj tani, është shumë pranë kalimit për te Arminia e Bielfeldit, dhe gati të rikthehet në Bundesligë.
Sulmuesi i kombëtares sonë pritet të transferohet në një nga këto ditë.
Ndërkohë, ai është duke kaluar një test me ekipin gjerman, para se të firmosë kontratën për edicionin e ri futbollistik.
Besart Berisha ka qenë më parë lojtar i Hamburgut dhe pas disa sezoneve ai është shitur te Bërnli në Angli, por ishte i pafat pasi në ndeshjen e parë pësoi një dëmtim që e la një vit jashtë fushës së futbollit.
Kosovari ishte në formë huazimi gjatë këtij sezonit të kaluar, te Rosenborgu në Norvegji dhe më tej te Horsens në Danimarkë.
Në ditën e parë, sipas drejtuesve të Bielfildit, paraqitja e Berishës ka qenë bindëse.
Ai është shumë pranë firmës me Arminian, ndërkohë që lojtari tjetër i marrë në provë Apasojeviç nuk ka dhënë prova të njëjta dhe mes tyre vetëm Berisha pritet të nënshkruajë një kontratë.
/a.k/b.a/NOA/
