Klinë, 27 korrik NOA -Â Pjesëtarët e Stacionit të Policisë në Klinë kanë pranuar informatën se në pishinën "Euro-Park" në Zllakuqan të Klinës është mbytur një 25 vjeçar.
Drejtoria Rajonale e Policisë së Kosovës në Pejë i tha agjencisë së lajmeve NOA se i riu nga fshati Vojnik i Skënderajt, ishte gjetur duke iu dhënë ndihma e parë nga një mjek, i cili ishte i pranishëm në pishinë.
Viktima është dërguar në Qendrën e Mjekësisë Familjare në Klinë, ku mjekët kanë konstatuar se viktima ka mbërritur pa shenja jete. Trupi i pajetë i viktimës me urdhër të Prokurorit është dërguar në Institutin e Mjekësisë Ligjore në Prishtinë.
a.b/NOA
