Prishtinë, 16 gusht NOA-Në dy komuna të Kosovës, në Graçanicë dhe Gorazhdec janë mbajtur zgjedhjet e jashtëzakonshme për pushtetin lokal të organizuara nga Serbia.
Votimet për komunën e Prishtinës dhe atë të Pejës janë përsëritje e zgjedhjeve serbe të mbajtura në vitin 2008.
Në garë për të fituar këto zgjedhje janë Partia Radikale, ajo Demokratike e Serbisë dhe Partia Përparimtare.
Shumica e votuesve serbë që dolën në këto zgjedhje thanë se presin përmirësimin e kushteve të jetës dhe punësim.
Autoritetet në Prishtinë kanë injoruar zgjedhjet serbe dhe nuk kanë ndërmarrë masa për parandalimin e mbajtjes së tyre.
Qeveria e Kosovës ka vlerësuar se këto zgjedhje janë të jashtëligjshme dhe se rezultatet e tyre nuk do të kenë kurrfarë fuqie politike.
Ndërkaq udhëheqësi i Lëvizjes Vetëvendosje, Albin Kurti, ka akuzuar udhëheqjen e Kosovës se në heshtje po lejon dhe po inkurajon mbajtjen e zgjedhjeve të Serbisë.
Votimet janë të dytat që organizon Serbia në Kosovë pas shpalljes së pavarësisë, në shkurt të vitit 2008.
m.i/NOA
