Tiranë, 24 gusht, NOA - Partia Socialiste e Vërtetë '91 pret me interes të madh mbajtjen e kongresit të jashtëzakonshëm të Partisë Socialiste që do të zhvillohet në datën 29 gusht.
Një fakt të tillë e ka deklaruar përfaqësuesi i kësaj partie, Petro Koçi, sipas të cilit zhvillimet dhe zgjidhja e konflikteve brenda Partisë Socialiste janë më të rëndësishme se zgjedhja e kryetarit të ri të saj.
Lidhur me këtë të fundit, ai është shprehur se Rama e gëzon të drejtën e rikandidimit, pasi statuti i partisë ia lejon një gjë të tillë.
"Presim një analizë të thellë nga Partia Socialiste, gara për kryetar është dytësore", mësohet të jetë shprehur Koçi.
n.e/NOA
