Beograd, 27 gusht NOA-Banka Botërore ka njoftuar Qeverinë e Serbisë se ia ka shlyer rreth 550 milionë dollarë të borxhit të jashtëm të Kosovës.
Ministri i Ekonomisë, Mlagjan Dinkiç, tha se shlyerja e "borxhit të Kosovës" kurrsesi nuk do të thotë se Beogradi do ta njohë pavarësinë e Kosovës.
Dinkiç shtoi se Serbia para një viti ka kërkuar nga Banka Botërore që të lirohet nga pagesa e "borxhit të Kosovës", sepse nuk ka pasur kuptim që të kthejë pjesë të borxhit në kohën kur nuk mund të arkëtojë të ardhura tatimore në Kosovë.
Borxhi i jashtëm i Kosovës tash është rreth 630 milionë dollarë.
m.i/NOA
