Pejë, 2 Shtator NOA - Një burrë 63-vjeçar që u gjet i vdekur në banesën e tij në qytetin e Pejës, u konkludua se ka kryer vetëvrasje, informon korrespondenti i agjencisë së lajmeve NOA.
Viktima, banues në rrugën "Faik Konica", sipas hetimeve të kryera, dyshohet se ka kryer vetëvarje me litar, në kushtet e një depresioni, rrethanat dhe burimi i të cilave po hetohet nga Njësitet Policore të Stacionit të Pejës.
Në vendin e ngjarjes ka dalë mjeku ligjor i cili ka konstatuar vdekjen e viktimës. Vendit të ngjarjes u janë bashkangjitur Hetuesit Rajonal për Krime Serioze, Tekniket e Kriminalistikes, si dhe Prokurori Publik.
Më urdhër të Prokurorit trupi i pa jetë i 63 vjeçarit shqiptar është liruar duke iu dhënë familjarëve për ceremoninë e varrimit.
Ndërkohë, mësohet se rastin po e procedojnë ekspertë nga Njësiti Rajonal për Krime Serioze.
a.b/e.l/NOA
