 Sofie, 6 shtator NOA-Të shtunën mbrëma rreth orës 22:20 minuta kryeministri i Bullgarisë, Bojko Borisov në aeroportin e Sofjes i ka pritur turistët bullgarë që i mbijetuan fatkeqësisë në liqenin e Ohrit.
Kryeministri bullgar theksoi se fajtorët që shkaktuan fatkeqësinë do të gjenden dhe do të dalin para drejtësisë.
"Fajtorët sigurisht do të gjenden.
E di se ka të arrestuar, e di se ministra në Maqedoni kanë dhënë dorëheqje.
Por, sërish edhe me këtë rast Maqedonia u turpërua, sikur me rastin e shtetases bullgare Spaska Mitrova.
Mbetet ti përcjellim punët se si do të rrjedhin", theksoi Borisov.
