Tiranë, 23 shtator, NOA - Fondi i Hapur Rajonal për Tregtinë e Jashtme në Europën Juglindore do të diskutojë nesër në Tiranë gjatë një konference të posaçme për nxitjen e eksporteve në rajonin e Ballkanit.
Vende si Shqipëria, Bosnjë-Hercegovina, Kroacia, Maqedonia, Mali i Zi apo Serbia do të paraqesin përmes ekspertëve të tyre opsionet mbi rregullimin sa më të mirë të raporteve mes importit dhe eksportit.
Tashmë një projekt i përbashkët ka iniciuar mes këtyre vendeve me qëllimin e rregullimit të këtyre raporteve.
I financuar nga Shoqëria Gjermane për Bashkëpunim Teknik (GTZ) është ndërmarrë një nismë për ngritjen e një rrjeti rajonal të konsulentëve, që ofrojnë shërbime për rritjen e eksporteve.
Ky projekt financohet nga Ministria Federale Gjermane për Bashkëpunim Ekonomik dhe Zhvillim (BMZ) dhe po zbatohet në gjashtë vendet e përmendura më lart të Europës Juglindore, ku përfshihet edhe Shqipëria.
Aktivitetet kryesore të projektit në fjalë, i cili do të startojë nesër në Tiranë, përfshijnë uorkshope dhe konferenca rajonale si dhe trajnime për tema specifike rreth eksporteve.
n.e/NOA
