Shkodër, 4 tetor NOA - Një 69-vjeçar ka qenë duke udhëtuar me biçikletë kur është përplasur nga një automjet.
Për pasojë 69-vjeçari Angjelin Shllaku ka marrë plagë të rënda ndërsa u transportua me urgjencë drejt spitalit.
Aksidenti ndodhi mesditën e sotme në lagjen "Liria" në hyrje të Shkodrës kur një automjet tip-Benz me targa të Shkodrës 6847 E që drejtohej nga Fatmir Shala 55-vjeç ka përplasur një biçikletë me atë cilën udhëtonte Angjelin Shllaku.
Të dëmtuarit iu dha ndihma e menjëherë ndërsa e transportuan në spital nga ku mësohet se ndodhet në gjendje kritike.
Policia mbërriti në vendin e ngjarjes për të zbardhur rrethanat e aksidentit.
Burime nga policia thanë se kanë shoqëruar drejtuesin e mjetit megjithëse nga hetimet e para rezulton se 69-vjeçari i ka ndërprerë rrugën makinës.
k.k./NOA
