Hagë, 26 tetor, NOA Update - U shty për ditën e nesërme gjykimi i ish-shefit politik të serbëve të Bosnjës, Radovan Karaxhiç.
Kjo pasi, ai nuk u paraqit në seancën e sotme që nisi në Gjykatën Penale Ndërkombëtare (TPI) për ish-Jugosllavinë.
"Duke konstatuar mungesën e të akuzuarit dhe të një avokati për ta përfaqësuar atë, gjykata vendosi të shtyjë procedurat", deklaroi gjykatësi koreanojugor O-Gon Këon, lidhur me një fakt të tillë, duke shtuar se kjo gjykatë i kërkon Karaxhiçit të jetë i pranishëm që të mos bllokohet procesi i tij.
Nga ana e tij, Karaxhiç ka kërkuar 10 muaj shtesë për përgatitjen e mbrojtjes, duke u shprehur se është i pafajshëm dhe se ka luftuar vetëm për të mbrojtur popullin e tij.
n.e/NOA
