Tiranë, 30 tetor, NOA - Me ftesë të presidentit Bamir Topi, në datat 30-31 tetor 2009, do të zhvillojë një vizitë zyrtare në Shqipëri presidenti i Hungarisë, Lazlo Solyom.
Sipas të dhënave zyrtare nga Presidenca, gjatë qëndrimit të tij në vendin tonë, Presidenti i Hungarisë do të takojë drejtuesit më të lartë të shtetit shqiptar, presidentin Bamir Topi, kryetaren e Kuvendit, Jozefina Topalli, kryeministrin e Shqipërisë, Sali Berisha si dhe Kryetarin e Bashkisë së Tiranës, Edi Rama.
Gjithashtu, axhenda e Presidentit hungarez Solyom parashikon një vizitë në qytetet turistike të Sarandës dhe të Durrësit, ku do të pritet nga autorietetet më të larta vendore.
n.e/NOA
