Uashington, 3 Nëntor NOA-Kancelarja gjermane, Angela Merkel, e cila ndodhet në Uashington për të shënuar 20 vjetorin e rënies së Murit të Berlinit, do të flasë sot në Kongresin amerikan.
Ajo bëhet kështu udhëheqësja e parë gjermane që flet në Kongresin Amerikan që nga Konrad Adenaueri në vitin 1957.
Zonja Merkel thotë se mundësia për të folur para Kongresit është një nder i madh dhe një rast për të falenderuar Shtetet e Bashkuara për mbështetjen ndaj bashkimit të Gjermanisë pas rënies së Murit të Berlinit më 9 nëntor 1989.
Kancelarja takohet sot me presidentin Barak Obama në Shtëpinë e Bardhë, ku do të diskutohet për luftën në Afganistan, programin bërthamor të Iranit, çështjet ekonomike dhe ngrohjen globale.
