Shkodër, 19 nëntor NOA - Një grindje e çastit ka rrezikuar jetën e një 51-vjeçari i cili u godit me thikë nga kundërshtari i tij.
Ngjarja ndodhi dje në lagjen "Salo Halili" në Shkodër, pikërisht në vendin e quajtur ish-Parku i Industrisë të qyteti, është plagosur me thikë 51-vjeçari, Skënder S. Policia e sinjalizuar për ngjarjen mbërriti menjëherë në vendngjarje ku nga hetimet e kryera rezulton se autor i kësaj plagosjeje dyshohet të jetë Edmond Spahija, 41-vjeç, . Autori menjëherë pas kryerjes së krimit është larguar nga vendi i ngjarjes.
Burime nga policia thanë se plagosja ndodhi pas një konflikti të çastit për motive të dobëta.
Policia ka shpallur në kërkim autorin e dyshuar Edmond Spahija dhe po punohet për kapjen e tij.
I dëmtuari pasi ka marrë ndihmën e parë mjekësore në Spitalin Rajonal Shkodër është transportuar në Spitalin Ushtarak Tiranë për ndihmë më të specializuar.
k.k/NOA
