Shkup, 20 nëntor, NOA - Presidenti maqedonas, Gjorge Ivanov ka deklaruar se paraqitet  thellësisht i zhgënjyer nga deklarata e fundit e ministrit serb të Punëve të Jashtme, Vuk Jeremiç, sipas të cilit, Beogradi e mbështet qëndrimin grek për kontestin me emrin e republikës së Maqedonisë.
Ai e ka cilësuar këtë deklaratë si "fatkeqe dhe ka shprehur njëherësh keqardhje që deklarata e Jeremiçit është përputhur me ftesën e presidentit Tadiç për vizitë në Serbi dhe për pjesëmarrje në varrimin e patriarkut Pavle. Pas deklaratës, presidenti i Maqedonisë e ka anuluar pjesëmarrjen në pritjen në Beograd, organizuar nga ministri Jeremiç për të gjithë mysafirët e lartë politikë në këtë varrim.
Ndërkaq, Ivanov është takuar në Beograd me homologun e tij serb, Boris Tadiç, me të cilin ka biseduar për avancimin e marrëdhënieve dypalëshe dhe për situatën në rajon.
"Ata e vërtetuan përkrahjen e tyre të ndërsjellë për integrimet Evropiane dhe në këtë frymë e mbështetën nismën e Greqisë që të gjitha vendet e Ballkanit Perëndimor deri më 2014 të bëhen anëtare të BE-së", njofton kabineti i presidentit.
Presidenti i Serbisë ka theksuar se Republika e Serbisë e ka njohur Republikën Maqedonisë me emrin e saj kushtetues dhe ky qëndrim nuk do të ndryshojë.
n.e/NOA
Â
Â
Â
Â
Â
Â
Â
