Shkodër, 23 nëntor, NOA - Forcat e policisë së Shkodrës kanë arrestuar në flagrancë një shofer automjeti i cili ka shkaktuar aksident me pasojë vdekjen e një kalimtari me biçikletë.
Lajmi konfirmohet nga burimet policore të Shkodrës për agjencinë e Lajmeve NOA, sipas të cilave i ndaluari është Gegë Doçaj, vjeç 29, lindur në Dukagjin dhe banues në qytetin e Shkodrës.
Arrestimi i tij u bë pasi në vendin e quajtur Fermentim në Shkodër, duke udhëtuar me automjetin Benz me targa SH 1266 E, ka aksidentuar rëndë 60-vjeçarin Fatmir Brahimaj, lindur dhe banues në qytetin e Shkodrës, i cili ka qenë duke udhëtuar me biçikletë.
Me gjithë ndihmën e menjëhershme mjekësore të dhënë në spitalin e Shkodrës, Â Brahimaj ka gjetur vdekjen.
Nga ana e policisë u kryen veprimet e nevojshme procedurale, ndërsa materialet në ngarkim të Gegë Doçajt, iu kaluan prokurorisë së Shkodrës veprën penale të "Shklejes së rregullave të qarkullimit rrugor me pasojë vdekje".
n.e/NOA
Â
