Tiranë, 24 nëntor NOA - Ekstradohet nga Greqia një 36-vjeçar i shpallur në kërkim nga policia për shfrytëzim prostitucioni në rrethana rënduese.
Adrian Goxhaj nga Fieri është ekstraduar sot nga Athina e Greqisë pasi Gjykata e Rrethit Gjyqësor Fier, më datë 10 korrik të vitit 2003, e ka dënuar atë me 11 vjet burgim, për kryerjen e veprës penale të "shfrytëzimit të prostitucionit në rrethana rënduese". I ekstraduari Adrian Goxhaj i ka propozuar për martesë shtetases me inicialet A.SH., duke i premtuar një jetë më të mirë në Itali.
Pas mbërritjes në Itali ai e ka detyruar atë të punojë si prostitutë duke përdorur presion psikologjik dhe dhunë. Denoncimi i vajzës bëri që policia ta shpallte në kërkim atë ndërsa gjykata fajtor.
k.k/NOA
