Pogradec, 24 nëntor, NOA - Donin që të përfitonin me çdo kusht pensionin e minatorit të nëntokës e prandaj kanë paraqitur edhe dokumenta të falsifikuara, por janë pikasur nga ekspertët e krimit ekonomik.
Bëhet fjalë për gjashtë persona nga qyteti i Pogradecit, ndaj të cilëve ka nisur procedimi penal në gjendje të lirë për veprën penale të "Falsifikimit të dokumentave", parashikuar nga neni 186 i Kodit Penal, pasi u verifikua se dosjet tyre të përfitimit të pensionit ishin të mbushura me dokumenta false.
Burimet policore të Pogradecit bëjnë me dijeni për agjencinë e Lajmeve NOA se ata
janë 54-vjeçari Ilia Bllazhda, 56-vjeçari Bujar Lipo, 53-vjeçari Stavri Mengri, 51-vjeçari Durim Mançellari, 52-vjeçari Bujar Selfollari dhe 55-vjeçari Riza Bufi, që të gjithë banues të qytetit të Pogradecit.
U kryen të gjitha veprimet e nevojshme procedurale, ndërsa materialet e mëtejshme do t'i kalojnë prokurorisë së Korçës për hetime të mëtejshme.
n.e/NOA
