Torino, 16 Dhjetor NOA - Mesfushori bardhë e zi i Juventusit, Mauro German Camoranesi, rrezikon të mos paraqitet në botërorin Afrikë e Jugut 2010.
Lojtari u dëmtua ndeshjen e së shtunës ku Juventus u mund nga ekipi i Barit dhe me sa duket ky dëmtim ishte shumë më i rëndë nga ç'mendohej në fillim.
Camoranesi ka marrë një goditje në kofshën e djathtë dhe duket se ka të bëjë me muskulin i cili ka pësuar një goditje të rëndë.
Pikërisht nga kjo gjë, për lojtarin do të duhet një periudhë e gjatë rikuperimi dhe bëhet fjalë për një kohë rreth 3 ose 4 muaj.
Një periudhë e gjatë kjo për Camoranesin i cili nuk do të ketë mundësi të luajë dhe kështu vë në rrezik prezencën e tij me përfaqësuesen Italiane.
Por pavarësisht nga kjo, në ditët në vazhdim do të ketë kontrolle të reja nga stafi mjekësor i Juventus të cilat do të konfirmojnë gjendjen dhe kohën e rikuperimit të lojtarit Italo-Argjentinas.
r.b/NOA
