Korçë, 30 dhjetor, NOA - Arrestohet nga policia një i ri i cili akuzohet se ka qëlluar me armë tre persona në bashkëpunim me të tjerë. Lajmi bëhet me dije nga burimet policore të Korçës për agjencinë e Lajmeve NOA, duke konfirmuar se i ndaluari është 19-vjeçari D.Deli, i cili ishte shpallur në kërkim pas një plagosje të ndodhur një javë më parë në Korçë.
Ndalimi i tij u krye pasi ai në bashkëpunim me shokët e tij K.Bode dhe R.Metko, kanë qëlluar me sende të forta dhe armë zjarri tre personat E.Lipo, A Zere dhe N.Cico.
Ngjarja ndodhi pas një sherri për motive të dobëta mes dy grupeve.
Në cilësinë e provës materiale është sekuestruar një armë zjarri tip-pistoletë Beret e kalibri 9mm, një karikator si dhe katër fishekë, ndërsa R.Metko është arrestuar që ditën e ngjarjes.
Ndaj të arrestuarit rëndon akuza e "Vrasjes me dashje e kryer në bashkëpunim" e mbetur në tentativë dhe "Prishjes së rendit dhe qetësisë publike e kryer në bashkëpunim".
n.e/NOA
Â
Â
