Torino, 12 Janar NOA - Një tjetër dëmtim në radhët e Juventus dhe këtë herë bëhet fjalë pikërisht për mesfushorin danez të ekipit juventin Christian Poulsen i cili u dëmtua ndeshjen e djeshme me Milan, ku që në fushën e lojës u vu re serioziteti i këtij dëmtimi.
Pas ekzaminimit që u bë nga stafi mjekësor i Juventus ata arritën në përfundimin se lojtari kishte pësuar një frakturë dhe një plagë në po të njëjtin vend ku ai pësoi goditjen nga lojtari i Milanit, Genaro Gattusso.
Tifozët e Juventus për të parë lojtarin në fushat e lojës duhet të presin të paktën 50 ditë, pra rreth dy muaj ku, një muaj ai do ta ketë pushim për shkak të goditjes dhe një muaj tjetër i duhet për tu riaftësuar në lojë.
r.b/NOA
