Romë, 26 Janar NOA - Ndryshe nga çështja e maqedonasit Goran Pandev ku ai fitoi të drejtën për tu larguar nga klubi i Lazios këtë radhë ai që ka shijuar fitoren ka qenë presidenti i Lazios, Lottito ku për sa i përket kërkesës së njëjtë por këtë herë nga Ledesma ai ka arritur të fitojë kundrejt lojtarit të tij.
Nga komisioni i Arbitrazhit në Itali kërkesa e lojtarit për t'u larguar nga Lazio nuk është pranuar dhe për këtë gjë ai është i detyruar t'i përmbahet kontratës e cila e lidh me klubin kryeqytetas deri në qershor të vitit 2011.
E vetmja mundësi e cila bën të mundur largimin e lojtarit është interesimi i një klubi për Ledesmën i cili do të përmbushë kërkesat e Lottitos për blerjen e tij.
Këtë gjë mund ta bëjë Inter e cila ka treguar një interes të madh për lojtarin ku kërkon ta marrë atë së bashku me mbrojtësin e krahut të Lazios, Kolarov, për të bërë një marrëveshje të dyfishtë.
Pritet vetëm oferta e klubit zikaltër që do të vlerësohet nga presidenti Lottito i cili më pas do të vendosë fatet e dy lojtarëve.
r/b/NOA
