Milano, 28 Janar NOA - Ka ardhur humbja e dytë radhazi për Milanin ku pas asaj me Interin në kampionat tashmë ekipi i Leonardos ka pësuar një disfatë tjetër ku këtë herë është mundur nga ekipi i Udinezes në ndeshjen e cila ishte e vlefshme për çerek finalet e Kupës së Italisë.
Kuq e zinjtë kanë humbur me rezultatin 1 me 0 me një lojë mjaft zhgënjyese ku kanë hasur një Udineze mjaft të përgatitur e cila zhvilloi një lojë mjaft bindëse dhe meritoi kualifikimin e mëtejshëm në gjysmëfinalet e këtij evenimenti dhe do të përballet me Romën e cila u kualifiku me fitoren kundrejt Catanias me rezultatin 1 me 0.
Goli për Udinezen erdhi në minutën e 11 të pjesës së dytë nga Ilner i cili arriti të shënonte golin e fitores mbas shumë rasteve të humbura nga ekipi tij, kjo në sajë dhe të pritjeve të shkëlqyera të portierit Abiati, i cili duhet thënë ishte e vetmja notë pozitive e Milanit duke bërë një rikthim mjaft dinjitoz në portën e skuadrës së tij.
r.b/NOA
