Tiranë, 28 janar NOA - Kryetarja e Kuvendit, Jozefina Topalli u takua sot me drejtin e ti të USAID-it, në Shqipëri, Xhozef Uilljam i cili u shoqërua nga Ambasadori amerikan, John Uithers.
"Është e jashtëzakonshme ajo çfarë Shqipëria ka bërë në kaq pak vite demokraci." tha sot, drejtori i ri i USAID-it në Shqipëri, Xhozef Uilljams gjatë takimit.
Kryetarja e Kuvendit falënderoi në mënyrë të veçantë për ndihmën, që USAID dhe Shtetet e Bashkuara dhanë për kapërcimin e situatës së vështirë të përmbytjeve në fatkeqësinë natyrore në Shkodër.
Ulliams tha se vlerëson gjithçka që shteti shqiptar bëri në kapërcimin e emergjencës në Shkodër dhe siguroi se, ndihma e USAID-it do të vijojë deri në rehabilitimin e plotë të të gjitha komunave.
Kryetarja e Kuvendit dhe Drejtori i USAID-it biseduan edhe mbi çështjet e edukimin dhe shëndetit të vajzave dhe nënave.
Drejtori i USAID, Ulliams vlerësoi angazhimet e Kryetares së Kuvendit në luftën kundër dhunës në familje dhe për luftën ndaj kancerit.
Kryetarja e Kuvendit tha se lufta kundër dhunës në familje dhe kundër kancerit mbeten beteja prioritare të saj, ndaj tha ajo, do të isha shumë e kënaqur për të bashkëpunuar me USAID-in për të fituar këto beteja.
k.k/NOA
