Tiranë, 9 shkurt, NOA / Milena Selimi - Në vazhdën e koncerteve mbështetëse të emrave dhe grupeve të njohur muzikore evropiane, kompania celulare AMC do të sjellë këto ditë të mesit të shkurtit në Tiranë grupin irlandez rock "Reamonn", i cili do të japë një koncert në Pallatin e Kongreseve më 13 shkurt. "Reamonn" është një grup i krijuar në Gjermani nga këngëtari irlandez Raymond.
Grupi rock, i njohur në të gjithë Evropën ka realizuar gjashtë albume, të cilat kanë rezultuar të sukseshme në shumë vende evropiane.
Këngët hite të tyre mbahen "Tonight" dhe "Supergirl". Për të gjithë fansat dhe adhuruesit e muzikës rock, koncerti do të jepet ‘live' në 13 shkurt në orën 20.00.
Biletat mund të gjenden pranë pikave të shitjes në Pallatin e Kongreseve dhe Teatrit të Operas dhe Baletit.
m.s/n.e/NOA
