Itali, 17 Shkurt NOA - Ka qenë një mbrëmje plot emocione dhe gola ajo e djeshmja e kompeticionit të Champios League. Supersfida midis Milanit dhe Manchester United ka dhuruar një spektakël të vërtetë dhe një mori golash ku fitues në këtë garë kanë dalë "djajtë e kuq" të Ferguson.
Ata arritën të mundnin ekpin kuq e zi me rezultatin 3 me 2 ku të parët që kaluan në avantazh ishin vendasit me gloin e realizuar nga Ronaldinho, i cili më pas u barazua në pjesën e parë nga gol i veteranit Poul Schools. Më pas pjesa e dytë vuri në dukje formën e shkëlqyer që po kalon Rooney, i cili realizoi një dopietë duke e çuar ekipin e tij në avantazh të dy golave. Më pas për të shkurtuar diferencën mendoi Clarenc Seedorf i cili u aktivizua vetëm në pjesën e dytë të garës dhe shënoi një gol mjaft të bukur duke vendosur rezultatin përfundimtar në 3 me 2 në favor të miqve. Një rezultat tepër pozitiv ky për United ku në ndeshjen e kthimit ata do të luajnë më të qetë pasi Milani do të kualifikohej në rast se fiton me dy gola në avantazh, gjë që do të jetë mjaft e vështirë për ekipin kuq e zi, por jo e pamundur duke parë lojën e pjesës së parë të kësaj ndeshje ku lojtarët e Milanit e vunë ekipin e Ferguson në një vështirësi të vërtetë.
Për sa i përket ndeshjes tjetër asaj midis Lione dhe Real Madrid gjërat nuk shkuan mirë për yjet e Pellegrinit pasi sërish ata humbën në fushën e francezëve me rezultatin 1 me 0 ku duhet thënë se ishte një fitore e merituar nga ky ekip pasi ata ushtruan një presion të vazhdueshëm tek Reali dhe krijuan më shumë okazione për të shënuar. I vetmi rast për tu përmendur për "los blancos" ishte një penallti në drejtim të Ronaldos në minutat e fundit të garës e cila nuk u dha nga gjyqtari kryesor.
r.b/NOA
