Ludvigshafen, Gjermani, 18 Shkurt NOA - Një person në gjendje amoku vrau sot një mësues 58-vjeçar në një shkollë profesionale në qytetin Ludvigshafen në landin gjerman Renani / Palatinat, raporton radio DW.
Policia e arrestoi një 23-vjeçar si vrasësin e supozuar. Ky ishte i armatosur me një thikë dhe me një pistoletë starti.
Gjatë marrjes në pyetje ai tha se kishte pasur inat të madh ndaj pedagogut. Forca të mëdha të policisë dhe ekipe shpëtimi ndërhynë dhe kontrolluan tërë objektin.
Sindikata e policisë kërkoi pas gjakderdhjes së re stërvitje enkas për nxënësit dhe mësuesit kundër dhunës nëpër shkolla.
