Torino, 18 Shkurt NOA - Jemi në prag të sfidës së Europa League ku ekipi i Juventus do të ketë një sfidë tepër të vështirë në transfertë përballë holandezëve të Ajaksit, ndeshje e cila do të zhvillohet sot, e enjte në orën 19.00.
Juventus kërkon një fitore të radhës ku më në fund ekipi bardhë e zi arriti të merrte një rezultat pozitiv pas shumë javësh në kampionatin Italian falë fitores me rezultatin 3 me 2 në ndeshjen me Xhenovan.
Për këtë gjë është shprehur dhe mbrojtësi i Juventusit Nicola Legrotalie i cili ka qenë mjaft optimist në fjalët e tij duke patur besim se ekipi i tij do të arrijë të marrë një fitore në këtë transfertë.
Për të fitorja do të ishte shumë e rëndësishme pasi ajo do të ndihmonte ekipin për një vazhdimësi në rezultatet pozitive që kërkon të arrijë Juventus.
Krahas kësaj Legrotalie i bëri elozhe dhe trajnerit të tij Alberto Zakeronit ku tha se ai po punon mjaft mirë dhe i ka objektivat mjaft të qarta dhe një ndër to është pikërisht dhe finalja e kompeticionit të Europa League.
r.b/NOA
