Tiranë, 18 Shkurt 2010 - Agjensia e Shteteve të Bashkuara për Zhvillim Ndërkombëtar (USAID) do të zbatoj programin e vlerësimit të hoteleve dhe shërbimeve në vendin tonë.
Lajmi është bërë i ditur nga vet agjencia gjatë Konferencës së Dytë Vjetore të Shoqatës së Turizmit të Shqipërisë (ATA). Projekti parashikon mbështetje financiare dhe teknike për Shoqatën e Turizmit.
Programi i quajtur "Quality Mark" bazohet në modelin e krijuar dhe mbështetur nga USAID në Kroaci, Bullgari dhe së fundmi edhe në Maqedoni.
"Është një sistem unik vlerësimi që siguron informacion për holetet e vogla dhe njësi të tjera akomoduese që ofrojnë një kategori të përshkruar si "Turizëm Autentik". Ky segment i shfaqur tregu i cili rritet me shpejtësi synon t'i ofrojë udhëtarit një eksperiencë më të personalizuar e cila thekson kulturën e vendit, mjedisin, ushqimin, punët artizanale dhe eksperienca në natyrë", thuhet në materialin e USAID për prezantimin e këti programi.
Sipas pas ekspertëve ky program do të ndihmojë ofruesit e njësive akomoduese të përmirësojnë produktet dhe shërbimet e tyre. Si dhe do të jenë më të aftë në praktikat e biznesit dhe mbështesë konkurrueshmërinë dhe qëndrueshmërinë e sektorit të turzmit.
m.xh/NOA
