Athinë, 20 shkurt, NOA - Zëvendësministri i jashtëm grek, Dimitris Drucas deklaroi se emri i fqinjit verior patjetër duhet të jetë për përdorim të përgjithshëm dhe të ketë përmbajtje gjeografike, e cila do ta dallojë si pjesë të veçantë nga rajoni i gjerë i Maqedonisë. Ai këtë e ka deklaruar në një intervistë për gazetën gjermane "Zidojçe Cajtung".
Sipas tij, shumë evropianë nuk e kuptojnë pozicionin grek dhe vlerësojnë se Athina kontestin e emrit po e shfrytëzon për të bllokuar procesin euro-integrues të FYROM. "Qeveria e re greke është e përkushtuar për të gjetur zgjidhje për problemin, pasi që edhe po dëshiron kontakte direkte me Shkupin. Për fat të keq, qeveria e Maqedonisë gjatë viteve të fundit po krijon një pasqyrë të keqe për Greqinë", ka theksuar zëvendës-shefi i diplomacisë greke, Dimitris Drucas. Ai ka shtuar se Athina i bën me dije popullit fqinj të Maqedonisë se Greqia nuk është armiku i tyre, por mund të shndërrohet një mbështetës të vërtetë të perspektivave të tyre evropiane. "Por për të ndodhur kjo duhet të zgjidhjet kontesti i emrit", ka theksuar zëvendësministri Drucas. Mediat greke kanë bërë të ditur se opsioni më i pranueshëm për zgjidhjen e kontestit të emrit duhet të jetë propozimi "Maqedonia Veriore".
NOA-INA
