Milano, 22 Shkurt NOA - Tekniku i Milanit braziliani Leonardo ka gjetur sërish qetësinë e duhur pas fitores të marrë në mbrëmjen e djeshme, në sfidën që kuq e zinjtë kishin më ekipin e Barit.
Ai ka deklaruar se lojtarët e tij zhvilluan një lojë mjaft të bukur duke e marrë në zotërim atë dhe duke e kontrolluar gjatë gjithë kohës.
Ekipi i Milanit arriti të fitonte me rezultatin 2 me 0 falë golave të shënuar nga Pato dhe Borielo.
"Ky është i njëjti rezultat i cili na duhet për tu kualifikuar në Champions League ku mbi të gjitha duhet të përpiqemi të kemi të njëjtin shpirt gare të cilin kishim në ndeshjen me Barin", - deklaroi Leonardo i cili kërkon që ekipi tij të zhvillojë të njëjtën lojë dhe në Angli në ndeshjen me Manchester United ku kuq e zinjtë do të përpiqen të kualifikohen edhe pse kjo gjë tashmë është bërë tepër e vështirë nga rezultati i ndeshjes së parë.
r.b/NOA
