Angli, 27 Shkurt NOA - Ishte një fitore e madhe ajo që arriti të merrte ekipi i Roberto Mançinit, Manchester City në sfidën me Çelsin e Ançelotit.
Ishin vendasit që kaluan të parët në avantazh ku për to shënoi mesfushori Lampard në minutat e fundit të garës. Barazimi nga djemtë e Mançinit erdhi menjëherë ku Tevez u tregua mjaft i saktë duke shfrytëzuar ditën jo të mirë për mbrojtësit Terry dhe Hilario.
Të ftuarit në pjesën e dytë thelluan rezultatin ku për këtë gjë mendoi të shënonte dy herë Bellamy i cili e çoi atë në 3 me 1. Më pas Tevez shënoi përsëri nga pika e bardhë e penalltisë, duke siguruar fitoren e ekipit të tij në këtë sfidë mjaft të vështirë.
Për të vendosur rezultatin final të kësaj gare në minutën e 90 të saj shënoi sërish Lampard për blutë e Londrës, duke çuar ndeshjen në 2 me 4 në favor të City.
Kjo ishte një fitore mjaft e rëndësishme për ekipin e Manchester City, pasi Çelsi ndodhet në vendin e parë të kampionatit dhe nga kjo disfatë e saj mund të përfitojë skuadra e United.
r.b/NOA
