Fierzë, 27 shkurt, NOA - Niveli i ujit në liqenin e Fierzës ka nisur të ulet për shkak të rënies së prurjeve. Lajmi konfirmohet nga Korporata Elektroenergjetike Shqiptare, sipas së cilës të dhënat më të fundit tregojnë se hidrocentrali i Fierzës është realisht në një kuotim prej 293.63 metrash. Ndërkaq, thuhet se prurjet në këtë hidrocentral kanë arritur në nivelin prej 700 m3 /sek, ndërsa shkarkimet 350 m3/sek.
Nga ana tjetër, raportohet se në hidrocentralin e Komanit niveli i ujit ka arritur nivelin e kuotimit prej 171.18 metrash, ndërsa thuhet se prurjet janë 400 m3/s dhe shkarkimet 600 m3/sek.
Më të ulët janë treguesit për hidrocentralin e Vaut të Dejës, ku thuhet se niveli i ujit ka arritur në 74.50 m, ndërsa prurjet shënojnë janë 160 m3/s dhe shkarkimi 650 m3/sek.
n.e/NOA
