Torino, 6 Mars NOA - Klubi i Juventus është në kërkim të një trajneri i cili do të mund të zëvendësojë Zakeronin pas përfundimit të këtij kampionati.
Emrat për këtë rol janë të shumtë dhe madje është folur së tepërmi, ku ditët e fundit spikati ai i përfaqësueses franceze, Domenech. Kjo gjë vjen pasi tekniku i Francës në fund të botërorit do të largohet nga kjo përfaqësuese dhe më pas do të jetë i lirë, ku janë të shumtë klubet të cilat kanë shfaqur interes për të.
Tashmë, për këtë çështje çdo gjë mund të themi se është mbyllur, pasi ka qenë vetë presidenti i Juventusit Jean Claude Blanc, i cili ka përgënjeshtruar gjithçka, duke thënë se Domenech nuk do të jetë asnjëherë trajneri i Juventuist.
Me këtë deklaratë ai ka mohuar gjithçka që është folur nga mediat në Francë, për sa i përket një interesimi të mundshëm të bardhë e zinjve për trajnerin Domenech.
r.b/NOA
