Itali, 10 Mars NOA - Jemi në prag të sfidës së Juventusit në Europa League ku bardhë e zinjtë e Zakeronit do të përballen me skuadrën angleze të Fulham.
Për këtë sfidë është shprehur vetë trajneri i ekipit juventin, Alberto Zakeroni i cili ka thënë se ekipi i tij duhet të bëjë mjaft kujdes në këtë ndeshje pasi sipas tij ekipi i Fulham është tepër i fortë dhe zhvillon një lojë mjaft të rrezikshme.
"Fulham është një skuadër tepër e fortë që kërkon të zotërojë ndeshjen dhe ata dinë mjaft mirë të shfrytëzojnë rastet e krijuara për të shënuar", - deklaroi Zakeroni në lidhje me sfidën e së ejntes për skuadrën rivale.
Krahas saj ai shtoi se për Juventus, ky trofe është tepër i rëndësishëm dhe për ata është një ndër objektivët kryesor të këtij sezoni ku për këtë arsye skuadra e tij do të japë maksimumin në këtë garë.
r.b/NOA
