Francë, 18 Mars NOA - Skuadra franceze e Bordo ka arritur të kualifikohet në sfidën e saj me Olimpiakos në Ligën e Kampionëve, duke e mundur ekipin grek me rezultatin 2 me 1.
Kujtojmë se ndeshja e parë midis tyre kishte mbaruar sërish në fitore për francezët ku ata fituan me rezultatin 1 me 0 në fushën e grekëve.
Ndeshja e djeshme duhet thënë se nisi mjaft mirë për ekipin e Blanc, ku ata gjetën rrugën e rrjetës që në minutën e 5 të takimit me anë të Gourcuff, i cili më pas arriti të godiste dhe shtyllën në një goditje dënimi.
Më pas në pjesën e dytë të ndeshjes, ajo u ekuilibrua pasi të ftuarit shënuan me anë Mitroglu. Duhet thënë se kjo sfidë i pa të dy ekipet me dhjetë lojtarë, pasi u larguan me kartonin e kuq respektivisht, Derbyshire për Olimpiakos dhe Alou Diarra për Bordon.
Goli i fitores për francezët u shënua vetëm në minutën e 88 të garës ku për ata mendoi të realizonte Chamakh, i cili vendosi dhe kualifikimin përfundimtar të ekipit të tij, në çerek finalet e Ligës së Kampionëve.
r.b/NOA
