Ankara, 25 mars, NOA - Ministri i Jashtëm i Turqisë Ahmet Davutogllu njoftoi se ambasadori turk në Suedi do t'i kthehet detyrës brenda disa ditëve.
Ambasadori, Zergun Koruturk u tërhoq dy javë më parë në shenjë proteste, pasi parlamenti suedez e cilësoi si "gjenocid" vrasjen e armenëve nga turqit osmanë gjatë Luftës së Parë Botërore.
Para kësaj, Ankaraja e tërhoqi ambasadorin edhe nga Uashingtoni, ku komiteti i Kongresit miratoi një rezolutë të ngjashme.
NOA/EL
