Ersekë, 27 mars, NOA - Ndeshja Gramozi-Skënderbeu është pezulluar që në minutën e 75-të për shkak të një incidenti të ndodhur gjatë saj, ku arbitri anësor u godit nga tifozët kolonjarë.
Mësohet se gurë të shumtë janë hedhur në fushën e lojës, ndërsa ekipi i "Skënderbeut" ishte duke udhëhequr me rezultatin 1-0.
Duket se ka qenë anulimi i një goli, por edhe disa pozicione jashtë loje të dhëna nga gjyqtari anësor, gjë e cila i ka irrituar tifozët e skuadrës së Gramozit, të cilët kanë goditur me gurë arbitrin anësor.
Më pas, treshja e arbitrave më pas ka hyrë në dhomat e zhveshjes dhe aty ka marrë vendimin që takimi të mos rifillojë.
Ndërkaq, sherri dhe pasojat e mundshme negative të tij mes tifozëve janë shmangur nga
policia e cila ka ndërhyrë për të shmangur sherrin.
n.e/NOA
