Romë, 28 mars, NOA - Kanë nisur sot, në orën 8, raundi i parë i zgjedhjeve lokale në Itali. Italianët do të votojnë sot për 13 rajone, 4 provinca dhe 462 komuna. Zgjedhjet gjatë ditës së sotme do të zgjasin deri në orën 22:00, ndërsa nesër do të vijojnë nga ora 7 deri në orën 15:00.
Në votime do të marrin pjesë 41 milionë zgjedhës. Këto zgjedhje lokale, janë cilësuar dhe si një test për qeverinë e kryeministrit Berluskoni.
Ndërkohë që fushata elektorale ka qenë mjaft e tensionuar. Nuk kanë munguar sherret dhe debatet e ashpra mes kandidatëve, por edhe kërcënimet ndaj kryeministrit dhe ministrave të qeverisë.
m.xh/NOA/ANSA
