Moskë, 29 mars, NOA - Dy shpërthime, të cilat janë cilësuar si akte terroriste prej autoriteteve, kanë ndodhur në metronë e Moskës, duke shkaktuar të paktën 34 të vdekur, ndërsa shumë të tjerë janë plagosur, sipas të dhënave që komunikon ministria për Mbrojtjen nga Katastrofat.
Bëhet me dijeni se ndër viktimat, numërohen udhëtarë në një tren metroje, por edhe njerëz që prisnin në platformë.
Shpërthimi i parë ndodhi në stacionin Lubjanka afër selisë qendrore të shërbimit të fshehtë rus, FSB, ndërsa i dyti ndodhi në stacionin Parku i Kulturës vetëm pak më vonë.
Autoritetet janë duke punuar për zbardhjen e ngjarjeve të rënda, ndërsa mendohet se ato kanë qenë akte me natyrë të pastër terroriste.
n.e/NOA
