Francë, 31 Mars NOA - Ka qenë një ndeshje me të vërtetë emocionuese ajo që u zhvillua ditën e djeshme në Ligën e Kampionëve midis dy ekipeve franceze, Lion dhe Bordo.
Duhet thënë se kjo garë nisi në mënyrën më të mirë të saj, ku që në minutën e 10 të takimit, Lion kaloi në avantazh me anë të ish lojtarit të Portos, Lisandro Lopez.
Ekipi i Blanc u përgjigj menjëherë duke barazuar rezultatin me anë të Chamakh pas vetëm 4 minutash.
Më pas, po në pjesën e parë të takimit, Lioni kaloi në avantazh në minutën e 38 ku për to realizoi Lloris, i cili e çoi të qetë ekipin e tij në dhomat e zhveshjes.
Për të shënuar golin e tretë dhe atë përfundimtar të kësaj ndeshjeje mendoi sërish Lisandro Lopez, i cili këtë herë realizoi një penallti duke bërë të mundur një fitore tepër pozitive të ekipit të tij kundrejt Bordos.
Tashmë gjithçka do të vendoset në ndeshjen e kthimit por, duhet thënë se skuadra franceze e Lionit është më e favorizuar për tu kualifikuar kjo duke parë shifrat e rezultatit të parë.
r.b/NOA
