Itali, 14 Prill NOA - Pasi fitoi në ndeshjen e parë në "San Siro" me rezultatin 1 me 0 tashmë dhe në fushën e Firences zikaltërit sërish morën një rezultat pozitiv i cili bëri të mundur kualifikimin e tyre për në finalen e Kupës së Italisë.
Inter arriti të mposhtë Fiorentinën 1 me 0 dhe kjo falë golit të shënuar nga Samuel Eto në minutën e 12 të pjesës së dytë.
Duhet thënë se në këtë garë rastet për të shënuar nuk munguan nga të dyja palët, ku si fillim ishte Gilardino i cili u afrua shumë shënimit të golit, po Lucio shpëtoi ekipin e tij vetëm në limitet e portës, ndërsa në krahun tjetër një rast mjaft të mirë krijoi dhe Balotelli i cili nuk mundi dot të realizonte.
Më këtë kualifikim Inter është bërë skuadra e parë finaliste e Kupës së Italisë dhe është në pritje të skuadrës tjetër, e cila do të jetë fituesja e sfidës midis Romës dhe Udinezes.
r.b/NOA
