Tiranë, 18 prill, NOA, Update - Kongresi i Partisë Socialiste ka vijuar me mbajtjen e një minute heshtje për vdekjen e Presidentit polak Leh Kazinski. Më pas ka qenë deputetja Arta Dade ajo që ka mbajtur fjalën, e cila ka theksuar se "debatet tuaja dhe anëtareve të PS që ju përfaqësoni kanë dhënë kontribut për konsolidimin e demokracisë në këtë parti".
Ajo ka theksuar se ky kongres do të marrë vendime të rëndësishëm për punën e mëtejshme dhe të ardhmen e Partisë Socialiste.
Është parashikuar që kongresi të votojë për ndryshimet statutore. Pjesa që ka të bëjë me programin do të jetë një aprovim formal i pikave kryesore.
Dokumenti programor do të vijoi më pas të diskutohet dhe plotësohet në takimet me bazën që do të zhvillojnë drejtuesit e Partisë Socialiste.
Kongresi do të nisë me fjalën e kryetarit Edi Rama.
Një tjetër pikë e rëndësishme ku do të fokusohet kongresi është dhe kriza ekonomike. Gjithë debatet dhe fjalimet në kongres do të përqendrohen në krizën ekonomike dhe problemet me demokracinë në vend dhe votën e lirë.
m.xh/NOA
