Tiranë, 19 prill, NOA - Në mjediset e Nunciaturës Apostolike, pranë ambasadës së Selisë së Shenjtë në Tiranë, kryetares së Kuvendit Jozefina Topalli iu rezervua një takim i veçantë nga kardinali Zenon Grocholevski, njëri prej më të njohurve të Vatikanit.
"Vi me kënaqësi në Shqipëri të shoh zhvillimin dhe transformimet", tha Grocholevski, duke shtuar se zhvillimi i Shqipërisë në pak vite, është shumë i dukshëm.
Ndërsa kryetarja e Kuvendit ka konfirmuar se mbështetja e Vatikanit gjatë gjithë këtyre viteve mbetet shumë e vyer për të gjithë shqiptarët.
"Zëri i Vatikanit ka qenë gjithnjë një zë mbështetës në çdo hap të zhvillimit të Shqipërisë dhe, Kryetarja e Kuvendit në këtë takim kërkoi mbështetjen e Vatikanit për heqjen e vizave dhe anëtarësimin në BE", theksoi ajo.
Duke shtuar se vlera e rrallë e shqiptarëve, bashkëjetesa fetare, përbën një . model unik në Europë, dëshmi e një mendësie të hapur dhe vizioni perëndimor të shqiptarëve.
Edhe kardinali Grocholevski tha se kjo vlerë e jashtëzakonshme e shqiptarëve është një aset që duhet ruajtur e duhet promovuar.
n.e/NOA
